6 բնական միջոց` մաշկը հարթեցնելու համար. tert.am

Հարել երկու ձու՝ մինչև  փրփրանման զանգված ստացվի, այնուհետև  տարածել դեմքի և պարանոցի վրա: 20 րոպե թողնելուց հետո կարելի է լվանալ:  Ձուն այս եղանակով կարելի է կիրառել՝ նաև մեկ թեյի գդալ թթվասեր խառնելով: Ինչպես գրում է Healthy Life Tricks-ն` հարթ մաշկ ունենալու համար այս քսուկը պետք է օգտագործել շաբաթական երկու անգամ: Ձուն ձգող հատկություն ունի և օգնում է հարթեցնել մաշկը:  Աղբյուրն առաջարկում է նաև մի քանի այլ տարբերակ, որ կարելի է կիրառել մաշկը հարթեցնելու  համար:

1. Մեղր

Մեղրը կարող եք կիրառել մաշկի  այն հատվածում, որը ցանկանում եք հարթեցնել: 2-3 թեյի գդալ մեղրը պետք է  խառնել  մի քանի կաթիլ ձիթապտղի յուղի  և թարմ կիտրոնի հյութի հետ: Խառնուրդը տարածել դեմքին, թողնել` չորանա, ապա մաքրել: Լավ արդյունք ստանալու համար կարելի է մի քանի օր իրար հետևից կիրառել այս մեթոդը:

2. Հալվե (ալոե)

Առանձնացնել հալվեի տերևների հեղուկը և քսել դեմքին: Դարձյալ 15-20 րոպե թողնելուց հետո լվանալ դեմքը: Սա կարելի է շաբաթական մի քանի անգամ կրկնել:

3. Կիտրոն

Ճզմել կիտրոնը և քսել դեմքին: 15 րոպե հետո լվանալ դեմքը:  Լավ արդյունք ստանալու համար այս գործողությունը կրկնել օրական մի քանի անգամ:

4. Վարունգ

Քամել կես վարունգի հյութը, քսել դեմքին և թողնել` չորանա, որից հետո կարելի է լվանալ դեմքը:  Վարունգով մեկ այլ արդյունավետ խառնուրդ պատրաստելու համար անհրաժեշտ է  2 թեյի գդալ վարունգի հյութ, ձվի սպիտակուց և 3-5 կաթիլ ձեթ: Այն կարելի է կիրառել  դեմքի և պարանոցի համար:

5. Ձիթապտղի յուղով մերսում

Ձիաթպտղի ձեթով կարելի է 10 րոպե մերսել դեմքի մաշկը և պառկել քնելու: Այս մերսման համար կարելի է կիրառել նաև ավոկադոյի, նուշի, կոկոսի յուղ: Դրանցով կարելի է մերսել նաև պարանոցի, ձեռքի և ոտքի մաշկը:

Հարցեր, պատասխաններ, մեկնաբանություններ